गण्डकी प्रदेश सरकारको नीति तथा कार्यक्रमले कोरोना कहरलाई सम्बोधन गर्न सकेन : नेपाली
प्रकाशित : २०७७ जेठ १८ गते १९:०९
कावासोती । गण्डकी प्रदेश प्रमुख प्रतिपक्षी दल नेपाली काङ्ग्रेसका नेता कृष्णचन्द्र नेपालीले प्रदेश सरकार ले आईतवार प्रस्तुत गरेको नीति तथा कार्यक्रम ले कोरोना कहरलाई सम्बोधन नगरेको आरोप लगाएका छन ।
नीति तथा कार्यक्रम पछि नवलपुर टाईम्सलाई संक्षिप्त प्रतिक्रिया दिदै नेता नेपालीले प्रदेश सरकारले अहिलेको कोरोना महामारी लाई बुझ्दै नबुझी सामन्य नीति तथा कार्यक्रम ल्याएको बताएका छ्न ।
कोरोना र लकडाउन को कारणले प्रभावित भएका कृषक, मजदुर लगाएतकालाई सम्बोधन गर्न नसकेको र पुरानै शैलीमा नीति तथा कार्यक्रम ल्याईएको बताउदै नेपालीले नीति तथा कार्यक्रम सुनेपछि प्रदेश सरकारसँग कोरोना कहर सँग लडन सक्ने हैसियत नभएको आरोप लगाए ।
नेपालीले नीति तथा कार्यक्रम ल्याउनु अगाडी मुख्य मन्त्रीलाई प्रतिपक्ष दलको तर्फ बाट दिएको २२ बुदें सुझावको पनि प्रदेश सरकारले उपेक्षा गरेको बताउदै प्रदेश सभाको अबको बैठकमा यो विषमा आफुहरुले गम्भीर र सशक्त तबरले कुरा उठाउने नेपालीले बताए ।
गण्डकी प्रदेश सरकारले आगामी आर्थिक वर्ष २०७७/७८ को सरकारको वार्षिक नीति तथा कार्यक्रम गण्डकी प्रदेश सभाको छैंठौ अधिवेशनको आठौं बैठकमा प्रदेश प्रमुख अमिक शेरचनले सरकारको नीति तथा कार्यक्रम प्रस्तुत गुर्नभएको हो ।
हेर्नुहोस भिडियो
Facebook Comment