देउवालाई मन्त्री बाँस्कोटाको कडा काउन्टर :नाकाबन्दीमा म्याउँ गर्न नसक्ने देउवा अहिले ढाडे पल्टिए

NAWALPUR TIMES
प्रकाशित : २०७६ मंसिर ८ गते १२:५९
देउवालाई मन्त्री बाँस्कोटाको कडा काउन्टर :नाकाबन्दीमा म्याउँ गर्न नसक्ने देउवा अहिले ढाडे पल्टिए

मंसिर ८ नेपाली कांग्रेसका सभापति एवं पूर्वप्रधानमन्त्री शेरबहादुर देउवाले भारतले सार्वजनिक गरेको राजनीतिक नक्साबारे दिएको अभिव्यक्तिले यतिबेला राजनितीक क्षेत्र तंरगित बनिरहेको छ । शनिबार पोखरामा बोल्दै देउवाले भारतले प्रधानमन्त्री केपी शर्मा ओलीसंग सल्लाह गरेरै नक्सा सार्वजनिक गरेको दाबी गर्दै आफुले जोगाएको कालापानी लिपुलेक भारतलाई ओलीले सुम्पिएको आरोप लगाएका थिए । उनको अभिव्यक्तिसंगै सरकारका प्रवक्ता एवं संचारमन्त्री गोकुल प्रसाद बाँस्कोटाले देउवालाई कडा काउन्टर दिएका छन् । मन्त्री बाँस्कोटाले चुनावको बेलामा देउवा ढाडे पल्टिएको भन्दै अभिव्यक्ति दिएका छन् ।

मन्त्री बाँस्कोटाले पोखराबाट नै देउवाले नाकाबन्दी चुक्क बोल्न नसकेको तर अहिले भने ढाडे पल्टिएको भन्दै काउन्टर दिए । उनले भनेहाम्रो भाषा लरबरिँदैन देशभक्तीको प्रश्नमा । नाकाबन्दीमा एक शब्द बोल्न नसक्ने , म्याउँ गर्न नसक्ने अहिले चाही चुनाव आयो भनेर ढाडे बनेर कुर्लिएर हुन्छ रु चुनाव हार वा जितसंग यस्ता बिषय ल्याएर जोड्नु हुँदैन साथै उनले देउवा प्रधानमन्त्री हुदा भारतमा गएर संविधान संशोधन गर्ने बचन दिएको पनि प्रसंग उठाए । मन्त्री बाँस्कोटाले टनकपुर सन्धिप्रति देउवाको दृष्टिकोण के हो भनेर प्रश्न समेत गरे । उनले भने यस्ता आरोप लगाउँने हो भने गण्डकी , कोशीमा सम्र्झाता गर्दाखेरी ती सबैको एकमुष्ट जवाफ श्री शेरबहादुर देउवाले दिनुपर्छ । उहाँको दलले दिनुपर्छ

उनले भारतले सार्वजनिक गरेको राजनितीक नक्साप्रति इतिहासमै पहिलो पटक कुनै बहालवाला प्रधानमन्त्रीले म यो मान्दिन , नेपालका लागि यो स्वीकार्य छैन भनेर बोलेको बताए । उनले भनेदेउवाले संविधान जारी भएपछि भ्रमणमा जाँखा भारतीय नेतृत्वसंग बसेर सार्वजनिक समारोहमा बाबा म त्यो संविधान पनि तिमीले भने बमोजिम नै गर्छु भनेर बक्बकाएर आइको त अहिले पनि देखिन्छ । त्यो ओपन कुरा हो मैले लगाएको आरोप होईन । तथ्य हो त्यो भिडियोहरु हेर्नुस पहिलाको। एक पटक जनताको मत र फैसलाहरुमाथि प्रश्न उठाँउदा त्यो नेपाली जनताको मत हो भनेर बोल्न नसक्ने देउवाजीले केपी ओलीको राष्ट्रवादी अडान , क्षमता र संघर्षको कुरामाथि प्रश्न उठाउँनु आफैमा लज्जाजनक भएको भन्दै मन्त्री बाँस्कोटाले देउवाको अभिव्यक्तिप्रति खेद प्रकट गरेको बताए ।

प्रकाशित : २०७६ मंसिर ८ गते १२:५९
Copyright © 20 Integreated Media Company Pvt. ltd., All Rights Reserved.
Website by: SAROJ BHATTARAI