पत्रकार महासंघ नवलपुरको दोस्रो बार्षिक साधारण सभा सम्पन्न

गण्डकी प्रदेशका मुख्यमन्त्री कृष्णचन्द्र नेपालीले प्रेस स्वतन्त्रता कुण्ठित पार्ने कोही कसैबाट हुन नहुने बताउनुभयो । पत्रकारजगतले पनि आचारसंहिता पालनामा सचेत रहन आवश्यक रहेको मुख्यमन्त्री नेपालीको भनाइ छ । उहाँले भन्नुभयो “प्रेस स्वतन्त्रता अराजकता पनि होइन, आचारसंहिता पालनामा प्रेसले पनि सचेत हुन आवश्यक छ ।”
नेपाल पत्रकार महासंघ नवलपुर जिल्लाका अध्यक्ष विरेन्द्र पराजुलीले नवलपुर शाखालाई सबै पत्रकारको साझा संस्था बनाउने बताउनुभएको छ । संस्थामा राजनितीक गंन्ध नआउने गरि काम गरेको उहाँले बताउनुभयो ।

नेपाल पत्रकार महासंघ गण्डकी प्रदेशका अध्यक्ष नारायण शर्माले प्रदेश भित्र रहेका अन्य जिल्लामा पनि पत्रकार महासंघको भवनका लागि सरकारले सहयोग गर्नुपर्ने बताउनुभएको छ ।

नेपाल पत्रकार महासघं केन्द्रीय सचिव सृजना अर्यालले पत्रकारिताबाट श्रमजीवी पत्रकारले जीवन संचालन गर्नसक्ने वातावरण बनाउनुपर्नेमा जोडदिनु भएको छ ।

नवलपुर जिल्लाका प्रमुख जिल्ला अधिकारी सुमन घिमिरेले सुशासनलाई प्रभावकारी बनाउन, विकास निमार्णको कामलाई सहयोग पुग्नेगरी समाचार लेख्न आग्रह गर्नुभएको छ ।

कार्यक्रममा उपस्थित अतिथिहरुले शुभकामना मन्तव्य राख्दै सरकारले सञ्चार बिधेयक पास गर्नुपर्ने, जिल्लामा हुलाका कार्यालय स्थापना गराउनुपर्ने लगायतका माग राखेका थिए ।

वार्षिक साधारण सभामा विजय एफएमका अध्यक्ष डा. भुमीराज चापागाईंलाई कृष्णलाल पराजुली स्मृती पुस्कारबाट सम्मानित गरिएको थियो ।

साधारण सभाको बन्दसत्रमा पत्रकार महासंघ नवलपुरका सचिव विष्णु गौडेलले प्रस्तुत गर्नुभएको प्रतिवेदन र कोषाध्यक्ष दिपेश कडरियाले प्रस्तुत गर्नुभएको आर्थिक प्रतिवेदन सर्वसम्मतिले पारित भएको छ ।